ଆତଙ୍କବାଦ ମୁକାବିଲାରେ ଏହି ଚୁକ୍ତି ସହାୟକ ହେବ
କଲାସ କହିଛନ୍ତି ଯେ ଭାରତ ଓ ୟୁରୋପୀୟ ସଂଘ ମଧ୍ୟରେ ସୁରକ୍ଷା ଓ ପ୍ରତିରକ୍ଷା ଚୁକ୍ତିନାମା ଆତଙ୍କବାଦ ବିରୋଧୀ ଲଢ଼େଇରେ ସାହାଯ୍ୟ କରିବ। ଏହା ସାମୁଦ୍ରିକ ସୁରକ୍ଷା ଓ ସାଇବର ସୁରକ୍ଷା ଭଳି କ୍ଷେତ୍ରରେ ସହଯୋଗ ବୃଦ୍ଧି କରିବ। କଲାସ କହିଛନ୍ତି ଯେ ୟୁରୋପ ଏକ ନୂତନ ଓ ଶକ୍ତିଶାଳୀ ଏଜେଣ୍ଡାରେ ଭାରତ ସହିତ ଆଗକୁ ବଢିବାକୁ ପ୍ରସ୍ତୁତ ଅଛି। ୟୁରୋପର ଅର୍ଥନୈତିକ ଶକ୍ତି ପାଇଁ ଭାରତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇପଡିଛି। ଭାରତ ଆସୁଥିବା ୟୁରୋପୀୟ ସଂଘର ପ୍ରତିନିଧି ଦଳରେ ପ୍ରାୟ ୯୦ ଜଣ ସଦସ୍ୟ ରହିବେ। ଏମାନଙ୍କ ମଧ୍ୟରେ କାଜା କଲାସ, ବାଣିଜ୍ୟ କମିସନର ମାରୋସ ସେଫକୋଭିକ ଓ ଅନେକ ନିର୍ଦ୍ଦେଶକ ଅଛନ୍ତି।